Ym mis Mawrth 2022, clywsom fod Robert Morris yn mynd i gymryd rhan yn Ironman Dinbych-y-Pysgod 2022 i godi arian ar gyfer y Tîm Trawma Mawr a achubodd fywyd ei ferch.
Rydym wedi derbyn diweddariadau i ddweud bod hyfforddiant Rob yn mynd yn rhagorol, a bod ei dudalen codi arian wedi derbyn swm anhygoel o roddion! Mae hefyd wedi trefnu noson ‘Arwyr Chwaraeon’ gydag arwyr rygbi Cymru, gyda’r holl elw’n mynd i gefnogi’r Uned Trawma Mawr.
Gwaith gwych Rob, mae pawb yn dy gefnogi, a dymunwn noson ‘Arwyr Chwaraeon’ lwyddiannus i ti!
Cynhelir Ironman Dinbych-y-Pysgod 2022 ar 11 Medi 2022, felly mae amser o hyd i gefnogi Rob drwy gyfrannu at ei dudalen JustGiving .