Bydd Stacey McIntyre (Nyrs Arbenigol Diabetes Pediatrig) ac Aisling Pigott (Deietegydd Diabetes) yn rhedeg Marathon Eithafol Bro Morgannwg ym mis Ebrill i gefnogi’r Gronfa Diabetes Pediatrig.
Bydd yr arian a godir yn cael ei ddefnyddio i drefnu gweithgareddau a digwyddiadau addysgol, a phrynu offer defnyddiol i blant a phobl ifanc sy’n byw gyda Diabetes Math 1, cyflwr gydol oes sy’n cael ei reoli gan bigiadau inswlin neu therapi pwmp inswlin a phigiadau glwcos gwaed rheolaidd. Bydd yr offer yn cael ei ddefnyddio i helpu plant a phobl ifanc i gyfrif carbohydradau, sy’n adnodd cynllunio prydau a ddefnyddir wrth reoli diabetes er mwyn helpu i optimeiddio rheoli siwgr yn y gwaed.
Dywedodd Aisling: “Mae’n gyflwr anodd ei reoli, ac mae ein teuluoedd yng Nghaerdydd a’r Fro yn gweithio mor galed ac rydym mor falch ohonynt. Mae Stacey a finnau yn angerddol am bwysigrwydd gweithgarwch corfforol ac yn gobeithio ysbrydoli plant a phobl ifanc i gyflawni eu nodau chwaraeon eu hunain.”
Mae Marathon Eithafol Bro Morgannwg yn llwybr 32 milltir ar hyd arfordir cyfan Bro Morgannwg, gan ddechrau ym Mhier Penarth a gorffen yn Ogwr. Mae hi’n her anhygoel, a hoffai Elusen Iechyd Caerdydd a’r Fro ddiolch yn fawr iawn i Stacey ac Aisling am eu gwaith caled a’u hymroddiad i gefnogi’r Gronfa Diabetes Pediatrig!
I ddangos eich cefnogaeth drwy gyfrannu, ewch i: https://www.justgiving.com/fundraising/CAVPaediatricDiabetes