Ddydd Sul 1 Hydref 2023, cynhelir 20fed Hanner Marathon Caerdydd ar draws y ddinas. Gan yr amcangyfrifir bod miloedd o bobl yn cymryd rhan, rydym yn tynnu sylw at ein rhedwyr ysbrydoledig.
Mae Jayne Catherall, cefnogwr hir-amser a chyn-gydweithiwr yr Elusen Iechyd, yn ymgymryd â Hanner Marathon Caerdydd unwaith eto eleni; y tro hwn i godi ymwybyddiaeth o ganser y prostad.
Fel rhedwr brwd, mae Jayne wedi ymgymryd â sawl her yn y gorffennol o 10K y Barri, i Hanner Marathon Caerdydd, a hyd yn oed Marathon Llundain.
Meddai Jayne, “Cafodd fy nhad ddiagnosis o ganser y prostad ym mis Gorffennaf 2019 ac yn ystod yr wythnosau diwethaf, rydym wedi darganfod, yn anffodus, ei fod wedi lledaenu i’w esgyrn ac mae bron ym mhobman – ei benglog, sternwm, asennau, cefn, cluniau, rhan uchaf ei forddwyd a mwy.
“Byddaf yn codi arian i Elusen Iechyd Caerdydd a’r Fro sef elusen swyddogol Bwrdd Iechyd Prifysgol Caerdydd a’r Fro sy’n cefnogi’r holl wardiau, adrannau, ysbytai, gwasanaethau cymunedol a meysydd ymchwil ledled Caerdydd a Bro Morgannwg.” Os hoffech chi gefnogi Jayne a’i helpu i gyrraedd ei nod codi arian, ewch i’w thudalen Just Giving yma.