Yn ddiweddar, cynhaliodd nifer o’n cydweithwyr eu digwyddiadau Te Mawr y GIG eu hunain i ddathlu bod ein GIG anhygoel yn 75 oed, ac i godi arian ar gyfer Elusen Iechyd Caerdydd a’r Fro.
Mae Te Mawr y GIG yn de parti blynyddol y gall unrhyw un ei gynnal. P’un a ydych chi’n dod at eich gilydd gartref, yn y swyddfa neu yn y ganolfan gymunedol leol, gallwch ddathlu’r GIG trwy fwynhau paned a chacen, a chyfrannu at eich elusen GIG leol! Roedd digwyddiadau eleni yn arbennig iawn, gyda dros 5000 o bobl yn cofrestru i gynnal eu Te Mawr y GIG eu hunain, i ddangos eu gwerthfawrogiad o’r GIG.
Roedd y Ganolfan Adsefydlu ar ôl Strôc yn un o’r adrannau a gymerodd ran yn y digwyddiad. Trefnodd y tîm werthiant cacennau, raffl, a gêm o ddyfalu faint o fagiau te oedd mewn jar. Cawsant amser gwych yn dathlu carreg filltir anhygoel y GIG, gan godi swm arbennig o £351.35! Bydd yr arian yn cael ei rannu’n gyfartal i gefnogi Ein Dôl Iechyd a’r Ganolfan Adsefydlu ar ôl Strôc.
Bu’r Adran Radioleg hefyd yn dathlu, gan gefnogi Ein Dôl Iechyd drwy eu digwyddiad Te Mawr, gan godi swm gwych o £175 drwy werthu cacennau.
Diolch o galon i’n holl gydweithwyr a drefnodd y digwyddiadau Te Mawr yn eu hadrannau, ac i bawb a fu’n pobi ac yn cyfrannu. Rydym yn hynod ddiolchgar am eich cefnogaeth!