Yn ddiweddar, rhoddwyd cyllid gan Loteri’r Staff i’r Adran Iechyd Galwedigaethol i wella a diweddaru ymddangosiad yr ardal aros i staff.
Mae’r Tîm Iechyd Galwedigaethol yn darparu gwybodaeth ac adnoddau i staff Bwrdd Iechyd Prifysgol Caerdydd a’r Fro, i’w cynorthwyo i gynnal a gwella eu lles yn y gwaith ac yn eu bywydau personol.
Er mwyn gwella profiad defnyddiwr y gwasanaeth, mae’r Tîm Iechyd Galwedigaethol wedi penderfynu troi ystafell fawr yn ardal aros i staff sy’n dod i’r adran, gan fod yr ystafell aros bresennol yn fach iawn.
Rhoddwyd arian Loteri’r Staff i’r adran i wneud y gwelliannau angenrheidiol i’r amgylchedd. Roedd hyn yn cynnwys prynu lloriau newydd, seddi ychwanegol, yn ogystal ag addurniadau llachar a llawen ar gyfer y waliau.
Dywedodd Mark Dunford, Ymarferydd Arweiniol Arbenigol yn yr Adran Iechyd Galwedigaethol: “Byddai’r prosiect hwn yn sicrhau bod defnyddwyr y gwasanaeth yn cael profiad cadarnhaol wrth fynychu’r adran. Mae hyn yn rhywbeth rydym yn angerddol yn ei gylch er mwyn sicrhau bod defnyddwyr y gwasanaeth wrth wraidd ein model gofal.”
Roedd Elusen Iechyd Caerdydd a’r Fro yn falch iawn o gefnogi’r prosiect gan y bydd yn cael effaith gadarnhaol barhaol ar les staff BIPCAF sy’n gweithio yn yr adran, yn ogystal â’u cydweithwyr sy’n defnyddio’r gwasanaeth.