Hoffem ddymuno pob lwc i’r holl redwyr sy’n cymryd rhan yn Hanner Marathon Caerdydd eleni wrth i chi gyd gychwyn ar eich taith ddydd Sul 1af o Hydref! Diolch am gefnogi Elusen Iechyd Caerdydd a’r Fro eleni.
Gallwch gefnogi ein rhedwyr drwy ymweld â’u tudalen JustGiving:
⭐ Hanner Marathon Caerdydd er cof am Greg Lloyd
Bydd tîm ymroddedig o tua 120 o gefnogwyr rhyfeddol yn cwblhau Hanner Marathon Caerdydd ar 1af o Hydref 2023 er cof am Greg Lloyd, a fu farw’n sydyn ym mis Awst 2022 ar ôl dioddef ataliad y galon sydyn.
Mae Jayne Catherall, cefnogwr hir-amser a chyn-gydweithiwr yr Elusen Iechyd, yn ymgymryd â Hanner Marathon Caerdydd unwaith eto eleni; y tro hwn i godi ymwybyddiaeth o ganser y prostad.
Yn dilyn diagnosis canser, mae Hazel wedi penderfynu rhedeg Hanner Marathon Caerdydd i gefnogi Apêl Canolfan y Fron yn Ysbyty Athrofaol Llandochau.
Mae Sana yn rhedeg Hanner Marathon Caerdydd er cof am ei diweddar ferch, Jannat Khan. Bydd Aqsa hefyd yn ymuno â Sana yn Hanner Marathon Caerdydd gan fod Jannat yn nith iddi. Bydd Aqsa yn ymuno â Sana ac yn dyblu eu hymdrechion codi arian ar gyfer yr NICU.
⭐ Owain Williams & Hannah Gardener
Fis Hydref eleni, mae Owain a Hannah yn gwneud Hanner Marathon Caerdydd. Gan weithio ym maes iechyd meddwl oedolion yn Hafan y Coed, Ysbyty Athrofaol Llandochau, mae Owain yn rhedeg i helpu i godi rhoddion ar gyfer Ein Dôl Iechyd.
Mae’r cefnogwr hirsefydlog Michelle Graham yn rhedeg Hanner Marathon Caerdydd eleni gan ei bod wedi ymrwymo i godi £1 miliwn i ddweud diolch i’r timau yn Ysbyty Athrofaol Cymru ac Ysbyty Plant Bryste a achubodd fywyd ei merch.
Mae Agatha wedi treulio pedair blynedd yn astudio niwroddelweddu a niwrowyddoniaeth ym Mhrifysgol Caerdydd. Ym mis Hydref eleni, mae Agatha yn rhedeg Hanner Marathon Caerdydd i helpu i godi arian ar gyfer offer o’r radd flaenaf yn adran Niwroleg Ysbyty Athrofaol Cymru.
Mae Peter yn codi arian ar gyfer Ein Dôl Iechyd i helpu i greu lle gwych i gynyddu iechyd a lles i bawb.
Bydd aelodau ymroddedig o’r Tîm Cymunedol Anafiadau i’r Ymennydd yn rhedeg Hanner Marathon Caerdydd ar 1af o Hydref 2023 i godi arian ar gyfer Apêl Prop, sy’n cefnogi cleifion sy’n Adsefydlu wedi Anaf i’r Ymennydd.
Mae Samya yn rhedeg Hanner Marathon Caerdydd yn y gobaith o godi arian ar gyfer Rhwydwaith Anhwylderau Gwaedu, Cronfa Waddol Cymru.
Mae Ben yn rhedeg Hanner Marathon Caerdydd ar gyfer Headroom, sef gwasanaeth ymyrraeth gynnar mewn seicosis (EIP) o fewn Bwrdd Iechyd Prifysgol Caerdydd a’r Fro. Mae Headroom yn cefnogi unigolion rhwng 14 a 25 oed sy’n profi pwl cyntaf o seicosis.
Rydych chi i gyd yn anhygoel, a byddwn ni’n eich cefnogi yr holl ffordd at y llinell derfyn!