Ymgyrch Lawdriniaeth Robotig
Mae pob munud yn bwysig. Mae pob llawdriniaeth yn bwysig. Mae pob rhodd yn bwysig.
Ar draws Cymru, mae miloedd o bobl yn wynebu llawdriniaeth canser bob blwyddyn.
I lawer o gleifion, mae llawdriniaeth yn golygu arhosiad hir yn yr ysbyty, risg uwch o gymhlethdodau ac adferiad hirach i ffwrdd o’r teulu, gwaith a bywyd bob dydd.
Ond mae cenhedlaeth newydd o dechnoleg yn newid hynny.
Allwch chi ein helpu i godi’r £500,000 sy’n weddill sydd ei angen i ariannu platfform robotig yn llawn?
Mae Elusen Iechyd Caerdydd a’r Fro yn codi arian i ddod â phlatfform Llawfeddygaeth drwy Gymorth Robot ychwanegol i Fwrdd Iechyd Prifysgol Caerdydd a’r Fro, gan helpu mwy o gleifion i dderbyn llawdriniaeth fanwl gywir sy’n newid bywyd yn nes at y cartref.
Mae’r dechnoleg arloesol hon yn caniatáu i lawfeddygon gynnal llawdriniaeth gyda chywirdeb rhyfeddol, gan ddefnyddio golwg 3D well a symudiadau manwl iawn a all gyrraedd rhannau o’r corff na all llawdriniaeth gonfensiynol eu cyrraedd.
Gall y canlyniadau newid bywydau:
- Adferiad cyflymach
- Llai o gymhlethdodau
- Llai o amser yn yr ysbyty
- Creithiau llai
- Dychweliad cynharach i fywyd normal
- Mynediad gwell at driniaethau ac ymchwil canser arloesol
I rai cleifion, gall leihau arhosiad yn yr ysbyty a fyddai wedi para saith diwrnod o’r blaen i bedwar yn unig, a bydd rhai cleifion yn dychwelyd adref y diwrnod canlynol.
Caerdydd a’r Fro yw prif ganolfan drydyddol Cymru ar gyfer llawdriniaeth arbenigol a gofal clinigol. Bob blwyddyn, mae cannoedd o gleifion yn elwa ar lawdriniaeth robotig, ond mae’r galw’n tyfu’n gyflym ac mae ein platfform presennol eisoes yn cael ei ddefnyddio i’r eithaf.
Byddai platfform robotig ychwanegol yn caniatáu i dimau llawfeddygol:
- Ddyblu nifer y llawdriniaethau bob blwyddyn
- Trin mwy o gleifion canser
- Lleihau amseroedd aros
- Ehangu mynediad ar draws sawl arbenigedd
- Cefnogi ymchwil arloesol a threialon clinigol
- Helpu i gadw arbenigedd llawfeddygol o’r radd flaenaf yma yng Nghymru
Heb fuddsoddiad, gallai cleifion golli cyfleoedd i elwa ar y datblygiadau diweddaraf mewn triniaeth canser.
Gyda’ch cefnogaeth chi, gallwn newid hynny.
Dychmygwch glywed y geiriau, “Mae gennych chi ganser.”
Dychmygwch gael gwybod bod angen llawdriniaeth fawr arnoch chi.
Nawr dychmygwch wella’n gyflymach, treulio llai o amser yn yr ysbyty, osgoi gofal dwys a mynd yn ôl at y bobl sydd bwysicaf yn gynt.
Dyna’r gwahaniaeth y gall Llawfeddygaeth Drwy Gymorth Robot ei wneud. A dyna’r gwahaniaeth y gall eich rhodd ei wneud.
P’un a ydych chi’n rhoi £10, £100, £10,000 neu £100,000, mae pob rhodd yn ein dwyn un cam yn nes at ariannu platfform robotig ychwanegol.