Mae staff o’r siop Starbucks leol wedi rhoi eitemau yn ddiweddar i Elusen Iechyd Caerdydd a’r Fro. Bydd detholiad o gwpanau y gellir eu hailddefnyddio, bagiau tote a setiau bambŵ yn cael eu dosbarthu i gefnogi mentrau lles.
Mae Starbucks yn credu mewn gwneud gwahaniaeth trwy gefnogi cymunedau lleol, ac ers dechrau’r pandemig Covid-19, maent wedi gweithio mewn partneriaeth â NHS Charities Together i gefnogi 239 o elusennau GIG lleol ledled y DU. Hyd yn hyn, maent wedi codi £100,000 o werthiant eu cwpanau newid lliw, ac wedi rhoi dros 500,000 o eitemau o fwyd a diod i staff y GIG sy’n gweithio ar y rheng flaen pan oedd y pandemig ar ei anterth.
Hoffem ddweud diolch enfawr i Starbucks ac NHS Charities Together am eu haelioni.
Wrth ddefnyddio cwpan y gellir ei ailddefnyddio yn unrhyw un o siopau Starbucks ledled y wlad, mae cwsmeriaid yn derbyn gostyngiad o 25c oddi ar unrhyw ddiod Starbucks. Mae deiliaid Cerdyn Blue Light hefyd yn cael 10% arall oddi ar ddiodydd.