Roedd y tywydd o’r diwedd yn addawol i Sam Cartwright allu ymgymryd â’i her plymio o’r awyr. Fe wnaeth blymio o’r awyr ym Maes Awyr Abertawe i gefnogi Ein Dôl Iechyd, gan godi swm gwych o £591.25.
Roedd Sam wrth ei fodd gyda’i gamp anhygoel, a dywedodd y byddai’n ei wneud eto heb amheuaeth. Mae pawb yn Elusen Iechyd Caerdydd a’r Fro yn hynod ddiolchgar am ei ymroddiad a’i gefnogaeth.
Drwy godi arian ar gyfer Ein Dôl Iechyd, bydd Sam yn cefnogi’r man gwyrdd arloesol sydd wedi’i leoli yn Ysbyty Athrofaol Llandochau. Mae’r ddôl yn cefnogi cleifion, staff ac aelodau o gymuned yr ysbyty i gymryd rhan mewn gweithgareddau awyr agored cynaliadwy i wella eu lles a dysgu sgiliau newydd.
Gallwch gefnogi Sam trwy gyfrannu at ei Dudalen JustGiving.
Os hoffech chi herio’ch hun i’r eithaf er mwyn cefnogi Elusen Iechyd Caerdydd a’r Fro, cysylltwch â fundraising.cav@wales.nhs.uk