Mae’n bleser gennym gyhoeddi lansiad swyddogol Hyb newydd sbon yr Elusen Iechyd, a fydd yn agor ar 20 Ebrill yn y Prif Gyntedd yn Ysbyty Athrofaol Cymru – ac rydym yn dechrau mewn steil!
I nodi’r foment gyffrous hon bydd noddwyr yr elusen, Wyburn a Wayne, gyda ni drwy gydol y dydd yn darlledu eu sioe boblogaidd Radio Cardiff yn fyw o’r Hyb, gyda’r bennod i’w chlywed ddydd Gwener 24 Ebrill.
Cwrdd â’n Gwesteion Arbennig
Bydd Nathan Wyburn, artist enwog a noddwr yr elusen iechyd, yn ymuno â ni ar ddiwrnod y lansio. Mae gwaith celf eiconig Nathan eisoes yn bywiogi ardaloedd ar draws Bwrdd Iechyd Prifysgol Caerdydd a’r Fro – ac os ydych chi’n lwcus, efallai y byddwch chi yn ei weld yn creu rhywbeth yno yn fyw ar y diwrnod.
Ochr yn ochr â Nathan, rydym wrth ein bodd yn croesawu:
· Wayne Courtney, cyd-gyflwynydd a noddwr yr elusen, yn dod â’i gynhesrwydd a’i hiwmor nodweddiadol
· Travis George, perfformiwr ar Britain’s Got Talent ac actor a chanwr “sy’n edrych fel Hagrid” yn ei eiriau ef!
· Sophie Baker, perfformwraig theatr gerdd o Gaerdydd, yn ymddangos fel y Dywysoges Rapunzel i ychwanegu ychydig o hud
· Travis-Jack Lewis, canwr-gyfansoddwr a thalent theatr gerdd, a ryddhaodd ei sengl gyntaf “Goodbye Emily” yn 2025
Cymerwch gipolwg ar luniau o’r cynnydd.
Bydd Hyb yr Elusen Iechyd yn fwy na dim ond gofod, bydd yn ardal lle bydd:
· Straeon yn cael eu rhannu
· Llwyddiant yn cael ei ddathlu
· Cydweithio’n cael ei groesawu
· A gyda’n gilydd, mae pethau da yn digwydd
P’un a ydych chi’n galw heibio i glywed y gerddoriaeth, i weld y gwaith celf a’r perfformiadau, neu i fwynhau’r awyrgylch yn unig, byddem wrth ein bodd pe baech chi’n rhan o’r diwrnod arbennig hwn.
📍 Ble? Y Prif Gyntedd, Ysbyty Athrofaol Cymru
📅 Pryd? 20 Ebrill
Dewch draw i ddweud helo, a helpwch ni i agor y drysau i rywbeth gwirioneddol arbennig.
