Bydd Catherine Longree yn cymryd rhan yn Naid Fawr y GIG drwy blymio o’r awyr ar 15 Mai i godi arian ar gyfer y Tîm Diabetes Pediatrig. Cafodd mab Catherine, David, ddiagnosis o Ddiabetes ddwy flynedd yn ôl, ac mae wedi bod yn derbyn gofal a thriniaeth ragorol gan y Tîm ers hynny.
Oherwydd COVID-19 a methu â chodi arian yn ystod 18 mis diwethaf, nid yw’r Tîm Diabetes Pediatrig wedi gallu trefnu gweithgareddau fel padlfyrddio, tag laser a diwrnodau o hwyl eraill i’r plant dan eu gofal. Bydd yr arian a godir gan Catherine yn cefnogi’r tîm yn uniongyrchol i drefnu diwrnodau gweithgareddau yn y dyfodol.
Dywedodd Catherine: ‘Dyma fy ffordd i o allu helpu, oherwydd dros y 2 flynedd ddiwethaf, ar ôl diagnosis David, maen nhw i gyd wedi bod yn anhygoel, nid yn unig i David ond i ni hefyd.’
Hoffai Elusen Iechyd Caerdydd a’r Fro ddiolch yn fawr iawn i Catherine am ei chyfraniad anhygoel i gefnogi’r Tîm Diabetes Pediatrig!
I gefnogi antur llawn adrenalin Catherine, ewch i: https://www.justgiving.com/fundraising/Catherine-Longree3