Mae prosiect cyffrous arall wedi’i gwblhau yn Ein Dôl Iechyd! Gyda diolch i gyllid gan Dîm y Celfyddydau ar gyfer Iechyd a Lles yn Elusen Iechyd Caerdydd a’r Fro, mae Polyn Pren, sydd wedi’i gerfio’n hyfryd, yn sefyll yn ardal goediog Ein Dôl Iechyd yn Ysbyty Athrofaol Llandochau.
Mae’r bonyn, a gymerwyd o’r safle i ddechrau, wedi’i ddylunio’n ofalus gan ein gwirfoddolwyr, ac yna cafodd ei gerfio ar y safle gan Thomas Carvings cyn cael ei ailosod yn Ein Dôl Iechyd.
Yn ystod y 18 mis diwethaf, mae Down to Earth ac Elusen Iechyd Caerdydd a’r Fro wedi gweithio ochr yn ochr â grŵp gwych o wirfoddolwyr, o gleifion a chydweithwyr y GIG i aelodau’r gymuned. Gyda’i gilydd, fe wnaethant daflu syniadau am y Polyn Pren ac roeddent yn awyddus i weld eu dyluniadau ar waith ar ôl ychydig o sesiynau a gynlluniwyd. Drwy gydol y broses cafodd y cerfwyr wybod am syniadau’r grŵp cyfunol.
Gyda’r bwriad i gynrychioli gorwelion gwahanol Ein Dôl Iechyd, a gyda chymorth Thomas Carvings, fe wnaethant wylio eu gweledigaeth yn dod yn fyw.