Ddydd Sadwrn 20 Awst, cynhaliodd tîm y Celfyddydau ar gyfer Iechyd a Lles Berfformiad Mawr y GIG i godi arian ar gyfer Rhaglen y Celfyddydau ar gyfer Iechyd a Lles Elusen Iechyd Caerdydd a’r Fro.
Cefnogwyd y digwyddiad gan Noddwr yr Elusen Iechyd, Nathan Wyburn, yn St Andrew’s Coffee Court ac roedd yn cynnwys perfformiadau gan amrywiaeth o gerddorion stryd talentog.
Roedd y perfformiadau yn cynnwys sesiwn les ryngweithiol gan Amruta Garud, a setiau gwych gan Grant James, James Jones, Skye Dunning a Charlotte Amodeo.
Cafodd y rhai a oedd yn bresennol fwynhau amrywiaeth o stondinau crefft, coffi a chacennau a chymryd rhan yn y raffl gyda gwobrau a roddwyd yn garedig gan gefnogwyr, gan gynnwys blwch brownis fegan drwy’r post gan Vegana Bakes.
Bydd yr arian a godwyd yn y digwyddiad yn mynd yn uniongyrchol tuag at ariannu amgylcheddau creadigol, gweithdai a chyfleoedd i gleifion, staff ac ymwelwyr yn BIP Caerdydd a’r Fro.
Os oes gennych ddiddordeb mewn codi arian ar gyfer Rhaglen y Celfyddydau ar gyfer Iechyd a Lles, cysylltwch â fundraising.cav@wales.nhs.uk fel y gall ein tîm gefnogi a hyrwyddo eich gwaith codi arian.
Hoffai tîm y Celfyddydau ar gyfer Iechyd a Lles ddiolch yn FAWR eto i bawb a oedd yn ymwneud â Pherfformiad Mawr y GIG.