Rhoi

Gwnaeth y Manic Street Preachers chwarae cyfres o gyngherddau’n ddiweddar yn y Motorpoint Arena, Caerdydd, gan godi cyfanswm o £85,000 ar gyfer elusennau lleol y GIG yng Nghymru. Cafodd gweithwyr y GIG fynd i gyngerdd am ddim hefyd fel diolch am eu gwaith caled yn ystod y pandemig.

Mae’r band llwyddiannus iawn – a gafodd ei sefydlu yn y Coed Duon yn 1987 wedi hyrwyddo’r GIG ers llawer o flynyddoedd, a gwnaethant roi £35,000 yn benodol i gefnogi Elusen Iechyd Caerdydd a’r Fro yn ystod cyfnod adfer y pandemig COVID-19.

Dywedodd y band “Roeddem am wneud rhywbeth i ddangos ein gwerthfawrogiad, ein cariad a’n parch at y GIG a’i weithwyr dewr anhygoel. Un sioe am ddim ac un sioe i godi arian oedd y ffordd orau yn ein barn ni o ddangos ein diolch am eu holl waith arwrol.”

Dywedodd Simone Joslyn, Pennaeth Elusen Iechyd Caerdydd a’r Fro “Hoffwn ddweud diolch o galon i’r Manic Street Preachers am eu rhodd hael iawn. Mae eich cefnogaeth yn golygu cymaint i ni, a bydd yn helpu i wella gwasanaethau ar gyfer cleifion a staff ar draws Bwrdd Iechyd Prifysgol Caerdydd a’r Fro”.

Ymunwch â ni

Er mwyn cael gwybod am y newyddion diweddaraf gan y rhai sy’n codi arian i ni, ac i glywed am y prosiectau elusennol sy’n gwneud gwahaniaeth ar hyn o bryd, cofrestrwch ar gyfer ein cylchlythyr! Rydyn ni o ddifrif ynglŷn â diogelu data a’ch cyfrinachedd, fel sy’n weddus i elusen y GIG. Byddwn yn cadw eich manylion yn ofalus, ac ni fyddwn yn eu rhannu â neb. Dydyn ni ddim yn ‘rhoi pwysau’ arnoch i godi arian – fydden ni byth o blaid hynny.