Claire Halliday a fydd yn cymryd rhan yn hanner marathon mwyaf y byd, The Great North Run ym mis Medi.
Mae Claire yn glaf yng Nghanolfan y Fron sydd wedi dewis gwneud y Great North Run er budd Apêl Canolfan y Fron. Yn ei geiriau ei hun, dyma pam…
“Mae Canolfan y Fron yn Ysbyty Athrofaol Llandochau yn trin rhwng 450 a 500 o gleifion canser y fron newydd bob blwyddyn.
Roeddwn i’n un o’r cleifion hynny yn 2020. Mae’r gwasanaeth a ddarperir ganddynt yn mynd y tu hwnt i’r diagnosis a’r driniaeth ddilynol gan y GIG. Mae rhoddion i’r ganolfan yn darparu bras arbennig ar gyfer cleifion mastectomi ac adlunio ac yn cynnig therapïau cyflenwol a sesiwn hyder. Mae rhoddion hefyd wedi darparu ffisiotherapydd ar gyfer sesiynau un i un fel gwasanaeth rhagnodi ymarfer corff, y cyntaf o’i fath yng Nghymru a champfa i gleifion allanol sy’n cael llawdriniaeth ar gyfer canser y fron. Rwy’n mynychu’r Grŵp Ffitrwydd Rhuban Pinc sy’n cynnig dosbarthiadau ymarfer corff a nofio am ddim, teithiau cerdded grŵp a chyfle i unrhyw un sydd wedi profi canser y fron gyfarfod ag eraill yn yr un sefyllfa. Grŵp cymorth gwych sy’n cael ei redeg gan staff gwych”.
Rydym yn dymuno pob lwc i Claire. Os hoffech gyfrannu a chefnogi Claire a Chanolfan y Fron, gallwch wneud hynny yma http://www.justgiving.com/Claire-Halliday9