Prosiect Canopi Gwyrdd y Frenhines
Roedd cleifion a staff yn ein huned cleifion mewnol Gwasanaethau Iechyd Meddwl ar gyfer Pobl Hŷn, Ysbyty Athrofaol Llandochau, yn falch iawn o dderbyn coeden Hawthorne gan ddarlithwyr a myfyrwyr ar gwrs y Celfyddydau Creadigol a Therapiwtig ym Mhrifysgol De Cymru fel rhan o’n prosiect cydweithredol Canopi Gwyrdd y Frenhines.
Gyda chefnogaeth Cronfa Gelfyddydau Elusen Iechyd Caerdydd a’r Fro, rydym yn gweithio gyda myfyrwyr Prifysgol De Cymru i gyflwyno prosiectau’r celfyddydau ar-lein i gleifion MHSOP i ddathlu prosiect Canopi Gwyrdd y Frenhines a’r Jiwbilî Platinwm.
Mae cleifion yn mwynhau’r sesiynau celf yn fawr ac yn llawn cyffro i fod yn rhan o’r prosiect plannu coed ysbrydoledig hwn.
Hoffem ddiolch i Heloise Godfrey-Talbot, darlithydd ar y cwrs Celfyddydau Creadigol a Therapiwtig a’i myfyrwyr talentog ynghyd ag aelodau ein staff, ac edrychwn ymlaen at eu harddangosfa arfaethedig yn y Gwanwyn yn ein hardal arddangos yn y Plaza.
