Mae Elusen Iechyd Caerdydd a’r Fro yn falch o gyhoeddi bod Jonathan Aver, Uwch Swyddog Adeiladu Cyfalaf, Bwrdd Iechyd Prifysgol Cymru wedi’i goroni’n Arwr Iechyd ym mis Hydref.
Mae Jonathan wedi cael ei alw’n rhywun sydd bob amser yn arddangos gwerthoedd y sefydliad, ac wrth weithio o dan lawer o bwysau, mae’n parhau i ymgysylltu’n rhagweithiol a dymunol gydag eraill.
Wrth drafod ei enwebiad, dywedodd Simone Joslyn, Pennaeth Elusen y Celfyddydau ac Iechyd, “Rwyf bob amser wedi fy ysbrydoli gan ddiddordeb Jonathan yn yr adeiladau, eu hanes, a straeon y rhai sy’n gweithio ac yn defnyddio safleoedd/ystadau ein Bwrdd Iechyd. Mae’n rhoi llawer o gefnogaeth i Raglen y Celfyddydau ac mae’n gynhwysol yn ei ddull o weithredu.
“Mae Jonathan yn ymateb i geisiadau yn amserol ac mae bob amser yn gymwynasgar wrth dderbyn syniadau ac awgrymiadau gan eraill. Mae’n croesawu adborth, yn fyfyriol, yn dangos ystyriaeth a diddordeb gwirioneddol. Mae ei fewnbwn, ei ymgysylltu, a’i gyfraniad i wella CRI, a datblygu Maelfa wedi bod yn anhygoel.”
Bydd Jonathan yn Arwr Iechyd ar gyfer mis Chwefror ac yn derbyn rhodd gan y noddwr, Park Plaza Caerdydd. Mae wrth ei fodd gyda’r enwebiad am y wobr.
Caiff y Wobr Arwr Iechyd ei chefnogi gan Elusen Iechyd Caerdydd a’r Fro a Park Plaza Caerdydd.
Os ydych chi’n adnabod rhywun sydd wedi gweithio’n ddiflino i helpu cydweithiwr neu glaf mewn lleoliad gofal iechyd ledled Bwrdd Iechyd Prifysgol Caerdydd a’r Fro ac yn haeddu cydnabyddiaeth, rhowch wybod i ni. Er mwyn enwebu eich Arwr Iechyd: E-bostiwch: fundraising.cav@wales.nhs.uk Dylai enwebiadau gynnwys: Eich enw, manylion cyswllt, enw’r enwebai a’i rôl, yn ogystal â rhai geiriau yn egluro pam yn union eich bod chi’n credu ei fod yn haeddu cael ei goroni’n Arwr Iechyd.
Os ydych chi eisoes wedi enwebu rhywun, bydd yn cael ei gynnwys yn awtomatig yn y rownd nesaf i’w ystyried ar gyfer y wobr.
Defnyddiwch #ArwrIechydCAF ar Twitter i roi’r gair ar led a dangos eich cefnogaeth i’n GIG anhygoel!