Mae Elusen Iechyd Caerdydd a\u2019r Fro, elusen swyddogol Bwrdd Iechyd Prifysgol Caerdydd a\u2019r Fro, yn gweithio gyda Gwasanaethau Ystadau Arbenigol NWSSP ac Asiantau Eiddo Savills ynghylch datganiadau o ddiddordeb ar gyfer gwerthu Ysbyty Rookwood yn ei gyfanrwydd neu rannau ohono yn unig.<\/p>\n\n\n\n
Yn 2020, caewyd prif ran Ysbyty Rookwood pan gafodd Gwasanaethau Adsefydlu\u2019r Asgwrn Cefn a Niwroadsefydlu eu hadleoli i Ysbyty Athrofaol Llandochau. Ar hyn o bryd, mae\u2019r Gwasanaethau Aelodau Artiffisial a Chyfarpar (ALAS), Technoleg Gynorthwyol Electronig (EATS), Gwasanaeth Asesu Symudedd a Gyrru Cymru (WMDAS), Canolfan Brechu Torfol a Therapi Galwedigaethol yn parhau i fod yn weithredol ar y safle, ac mae darpariaethau yn eu lle i sicrhau bod y gwasanaethau hyn yn parhau i weithredu\u2019n ddidrafferth yn ystod y cyfnod hwn.<\/p>\n\n\n\n
Gyda dau adeilad rhestredig Gradd II \u2013 Rookwood House a\u2019r t\u0177 haf \u2013 yn ogystal \u00e2\u2019r ffaith bod y safle wedi\u2019i gynnwys yng Nghofrestr o Dirweddau, Parciau a Gerddi o Ddiddordeb Hanesyddol Arbennig yng Nghymru (Gradd II) anstatudol Cadw, a bodolaeth nifer fawr o goed sydd wedi\u2019u gwarchod gan Orchmynion Cadw Coed, nid yw\u2019r safle bellach yn hyfyw. Oherwydd y cyfyngiadau hyn o amgylch yr ystad, ni all yr eiddo gynnig ei hun i fod y math o ysbyty modern sydd ei angen i ddarparu\u2019r gofal gorau i\u2019w gleifion a\u2019i staff.<\/p>\n\n\n\n
Adeiladwyd Ysbyty Rookwood yn wreiddiol ar ddiwedd y 1860au ar gyfer y Cyrnol Syr Edward Stock Hill, er y credir bod tirlunio wedi dechrau mor gynnar \u00e2\u2019r 1770au pan ddaeth y tiroedd yn rhan o ystad Thomas Edward o Llandaff House. Defnyddiwyd y t\u0177 am y tro cyntaf ar gyfer gofal iechyd ym 1917, gan adsefydlu cleifion a oedd wedi dioddef parlys, ac ar gyfer darparu aelodau artiffisial, cyfarpar a chymhorthion.<\/p>\n\n\n\n
Buddiolwyr gwerthiant Ysbyty Rookwood fydd Elusen Iechyd Caerdydd a\u2019r Fro lle bydd yr arian yn cael ei ddefnyddio i gefnogi cleifion, staff, ymwelwyr a\u2019r gymuned.<\/p>\n\n\n\n
Mae datganiadau o ddiddordeb ar agor tan hanner dydd ddydd Mercher 21 Chwefror 2024.<\/p>\n\n\n\n
I gael rhagor o wybodaeth, gweler y llyfryn yma<\/a>.<\/p>\n\n\n\n