![\"\"](\"https:\/\/healthcharity.wales\/app\/uploads\/2021\/02\/Adam.jpg\")
<\/figure><\/div>\n\nRoedd Adam wedi bod yn glaf mewnol yn Uned Adsefydlu Arbenigol Niwrowyddorau, Ysbyty Rookwood wedi iddo ddioddef anafiadau difrifol iawn i’w ben. Roedd wedi dioddef nifer o namau gwybyddol a chorfforol, gan gynnwys colli ei olwg mewn un llygad. Roedd grym cymeriad Adam yn amlwg o’i ddiwrnod cyntaf yn Uned Niwroadsefydlu Rookwood. Aeth ati i adsefydlu yn llawn penderfyniad, ac roedd yn rhaid ei atgoffa i arafu ambell waith.<\/p>\n\n
Dywedodd T\u00eem Ffisiotherapi Rookwood \u201cPan ddaeth Adam atom ni i ddechrau, roedd angen cymorth dau unigolyn arno i gerdded. Oherwydd ei natur benderfynol a’i ymrwymiad i wella, roedd yn dod yn ei flaen yn gyflym, ac erbyn iddo fynd adref, roedd yn gallu cerdded gyda chymorth ffon gerdded yn unig. Rydym yn gwybod y bydd Adam yn dal ati i wella oherwydd ei ffocws a’i awydd i lwyddo, ynghyd \u00e2 chefnogaeth ei deulu a’i ffrindiau.”<\/p>\n\n
Roedd gr\u0175p o glybiau rygbi o ardal Rhondda Cynon Taf yn awyddus i gefnogi eu ffrind, a phenderfynodd y clybiau eu bod yn dymuno gwneud rhywbeth i godi ymwybyddiaeth, i ddangos cefnogaeth ac i godi arian i Adam.<\/p>\n\n
Dywedodd ei ffrind, Dylan Jones \u201cMae nifer o bobl yn hoffi ac yn parchu Adam yn ein cymuned. Roedd wedi creu fideo yn ddiweddar, yn adrodd ei stori, ac yn dangos ei gynnydd. Roedd wir yn ysbrydoledig. Ar \u00f4l gweld y fideo, mae criw ohonom wedi mynd ati i drefnu amserlen o ddigwyddiadau a fydd yn cael eu cynnal eleni er mwyn ei gefnogi.”<\/p>\n\n
26 milltir ym mis Mawrth<\/strong><\/p>\n\n Ar gyfer y digwyddiad cyntaf, mae Adam yn annog pobl i gymryd rhan drwy gerdded neu redeg 26 milltir yn ystod mis Mawrth. 26 milltir yw’r pellter rhwng y clybiau rygbi y mae wedi’u cynrychioli. Gall cefnogwyr roi rhodd o \u00a35 neu faint bynnag yr hoffent ac yna cwblhau’r her wrth eu pwysau.\u00a0<\/p>\n\n I gael rhagor o wybodaeth am yr her, ffoniwch Dylan Jones ar 07841632434<\/p>\n\n