{"id":10083,"date":"2021-05-26T16:40:34","date_gmt":"2021-05-26T15:40:34","guid":{"rendered":"https:\/\/healthcharity.wales\/nawr-gall-plant-chwarae-y-tu-allan-ym-meithrinfa-tedi-ber-diolch-i-gefnogaeth-elusen-iechyd-caerdydd-ar-fro\/"},"modified":"2021-05-26T16:40:45","modified_gmt":"2021-05-26T15:40:45","slug":"nawr-gall-plant-chwarae-y-tu-allan-ym-meithrinfa-tedi-ber-diolch-i-gefnogaeth-elusen-iechyd-caerdydd-ar-fro","status":"publish","type":"post","link":"https:\/\/healthcharity.wales\/cy\/nawr-gall-plant-chwarae-y-tu-allan-ym-meithrinfa-tedi-ber-diolch-i-gefnogaeth-elusen-iechyd-caerdydd-ar-fro\/","title":{"rendered":"Nawr, gall plant chwarae y tu allan ym Meithrinfa Tedi B\u00ear diolch i gefnogaeth Elusen Iechyd Caerdydd a’r Fro"},"content":{"rendered":"\n

Yn ddiweddar mae Elusen Iechyd Caerdydd a’r Fro wedi cefnogi cais am arian i helpu Meithrinfa Tedi B\u00ear, Ysbyty Athrofaol Llandochau. Cyflwynodd y feithrinfa gais am arian o gronfeydd elusennol Covid-19 ar gyfer prosiect yr ardd, er mwyn helpu i gynnal gweithgareddau dan do yn yr awyr agored.<\/p>\n\n

Roedd decin yng nghefn y feithrinfa’n barod, felly er mwyn gwneud yr ardal yn addas ar gyfer pob tywydd, cyflwynwyd cais am pergola pwrpasol ar gyfer yr awyr agored. Byddai hyn yn golygu bod to dros y prif decin. Felly, byddai modd defnyddio’r ardal ym mhob tywydd, gyda digon o gyfle i gael awyr iach a mwy o le ar gyfer cadw pellter cymdeithasol gyda’r plant, a hyn i gyd tra roedd y feithrinfa’n parhau i gynnig gwasanaeth yn ystod pandemig Covid-19.<\/p>\n\n

Roedd y feithrinfa yn darparu gofal plant brys i staff y Bwrdd Iechyd yn ystod y cyfnod eithriadol hwn, ac roedd Elusen Iechyd Caerdydd a’r Fro yn falch o allu cefnogi’r prosiect gwerth chweil hwn.<\/p>\n\n

Dywedodd t\u00eem y feithrinfa: \u201cMae angen i blant wneud ymarfer corff yn yr awyr agored a chael golau dydd er mwyn eu hiechyd a’i lles, fel sy’n wir am bawb arall hefyd – ac mae’n hyd yn oed pwysicach i blant gan eu bod yn dal i dyfu a datblygu. Fel mae pob rhiant yn gwybod, os na fydd plant yn cael defnyddio eu hegni bob dydd, mae’n anodd delio \u00e2 nhw dan do, yn arbennig mewn lle bychan gyda’r uchafswm mewn swigen. Mae adroddiad gan Alison Stenning a Wendy Russell yn dadlau mai’r brif ffordd y mae plant yn cael ymarfer corff yw drwy chwarae tu allan, ac roedd hi’n bwysig yn y cyfnod eithriadol hwn ein bod ni’n defnyddio’r holl le oedd ar gael.\u201d<\/p>\n\n

Rhannodd Kelly Lovell, Rheolwr Meithrinfa Tedi B\u00ear yn Ysbyty Athrofaol Llandochau, y lluniau hyn o’r plant yn mwynhau eu hunain o dan y canopi enfys – mae eu hwynebau’n dweud y cyfan.<\/p>\n\n